د ننګرهار ولایت په یوه کور د برق د لګېدو په پایله کې درې تنه مړه شول.
په ننګرهار کې د طالبانو د امنیې قوماندانۍ ویاند عبدالبصیر زابلي رسنیو ته ویلي دي چې د جمعې په ورځ، د غبرګولي ۴مه/ د مې ۲۴مه، د شیرزاد ولسوالۍ په ګندمک سیمه کې په یوه کور کې د تندر لویدو له امله درې تنه مړه شول.
د زابلي په وینا، د برق د لګېدو وروسته د کور دوه غړي او یو مېلمه لومړی سخت ټپیان شول او روغتون ته د انتقالېدو نه وروسته مړه شول.
طبیعي پېښو، په ځانګړې توګه سېلابونو، په وروستیو ورځو کې په افغانستان کې په مختلفو برخو کې ستر مالي او ځاني زیانونه اړولي دي.
