د طالبانو ویاند: د افغان ښځو اساسي حقونه د شرع او افغانی دودونه پر اساس تامین دي
د طالبانو ویاند ذبیح الله مجاهد د ښځو د نړیوالې ورځې په مناسبت په یو پیغام کې ویلي دي چې د اسلامي شریعت او افغاني فرهنگ او عنعناتو سره سم، د افغان ښځو ټول اساسي حقونه خوندي او تامین شوي دي.
هغه نن شنبه، د کب ۱۸مه (۸ د مارچ) په خپلې ایکس (ټویټر) پاڼه کې څرګنده کړې چې «د افغان میرمنو حقوق په یوه اسلامي او افغاني ټولنه کې تر بحث لاندې دي، چې د غربي ټولنې له کلتور سره توپیر لري او دا توپیرونه په محاسبه کې اړین دي».
ذبیح الله مجاهد په خپل پیغام کې د ښځو د «عفت، عزت او شرعي حقوقو» ساتنه د امارت «لومړیتوب» وباله او ویې ویل: «افغان ښځې اوسمهال له فزیکي او رواني امنیت څخه برخمن دي او د هغوی پر وړاندې هر ډول تاوتریخوالی منع دی».
هغه زیاته کړه چې طالباني محکمې او ټول اورګانونه مکلفې دي «د ښځو د حقوقو په تامین، د هغوی د زوجیت په اختیار، د مهر او میراث حق، او د هغوی د څارنې په برخه کې پوره هڅه وکړي».
په مقابل کې، د افغانستان دننه او بهر ګڼې فعالې او حقوقي سازمانونه د طالبانو دې ادعاوته په سختي ردینه ښودلې دي. د ملګرو ملتونو، اروپايي اتحادیې، او نورو نړیوالو بنسټونو په وینا، د ښځو او نجونو وضعیت په افغانستان کې له ۲۰۲۱ راهیسې په چټکۍ خراب شوی، چې په ځانګړې توګه د متوسطو او لوړو زده کړو بندیز، د ښځو د کار محدودیتونه، ښکاره دی.
د طالبانو چارواکي بیا په ټینګار سره وايي چې د هغوی د حکومت تګلارې «د افغاني خلکو د ارزښتونو سره سمون لري» او بهرنیو هېوادونو ته یې سپارښتنه کړې ده چې د افغانستان کورني چارو ته «د مداخلې پرځای» درناوی وکړي.
په دې ترڅ کې، د افغان ښځو او نجونو راتلونکی لا هم په ابهام کې دی. نړیوال ټولنه د طالبانو د عمل او وینا ترمنځ د توپیرونو په اړه خبرداری ورکوي او غواړي چې د ښځو حقونه د نړیوالو معیارونو سره سم تضمین شي.
