د کارمندانو د معاشاتو د ځنډ په اړه د طالبانو ویاند غبرګون؛ د کارمندان معاشات ورکول کیږي
د پوځی او ملکی کارمندانو د درې میاشتو معاش د ځنډ په اړه د خپرو شوو راپورونو وروسته، د طالبانو ویاند ځواب ورکړ.
ذبیح الله مجاهد نن پنجشنبې، د سلواغې ۱۱مه (۳۰ جنوري) په ایکس کې د روان میاشتې معاش د ورکړې په اړه ډاډ ورکړ.
هغه په دې پوسټ کې لیکلي: «د مالیې وزارت ډاډ ورکوي چې د ټولو یو میلیونو څلویښت زره کارمندانو معاشات به د سلواغې په میاشت کې ورکړل شي.»
د طالبانو ویاند په دې اعلامیه کې دا هم ټینګار کړی چې د هېواد مالي وضعیت تر کنټرول لاندې دی او د دولتي کارمندانو معاشات د بهرنیو مرستو پورې تړلي نه دي.
هغه کارمندانو ته ویلي چې هېڅ ډول اندیښنه ونه لري او ټینګار یې کړی چې د هېواد بودجه بشپړه توګه د داخلي منابعو له لارې تمویل کیږي او هیڅ ډول مرسته یا مرسته نه ترلاسه کول به پرې اغېز ونه لري.
د امریکا د مرستو د بندېدو او دې هېواد د نغدو مرستو د ځنډ وروسته، په رسنیو کې راپورونه خپاره شول چې طالبان د خپلو نظامي او ملکی کارمندانو معاشات د درې میاشتو لپاره د دې مرستو د وضعیت تر روښانه کیدو پورې ځنډولي دي.
