طالبان په دایکندي کې د یوه تعلیمي موسسه ۹ ښوونکو یو ځل بیا نیولي دي

ځايي منابع د دایکندي ولایت د سنگتخت او بندر ولسوالۍ څخه وایي چې طالبان د «افق نوین» تعلیمي مؤسسې ښوونکي یو ځل بیا نیولي دي.

دغه منابع نن پنجشنبه، د کب ۸ مه (۲۷ د فبروري) تحویل ته وویل چې پرون (سه‌شنبه ۷ حوت / ۲۶ فبروري) د دغه مؤسسې ۹ ښوونکي، چې د سنگتخت او بندر ولسوالۍ د ابتدایي محکمې ته بلل شوي وو، یو ځل بیا نیول شوي او په دغه ولسوالۍ کې د امنیه قوماندانۍ ته انتقال شوي دي.

دې منابعو زیاته کړه چې درې تنه د نیول شویو کسانو عمر تر ۱۸ کالو لاندې دی او طالبان د دې ښوونکو د کورنیو غوښتنې ته په ځواب کې د نیول کیدو دلیل په اړه هیڅ توضیحات نه دي ورکړي.

د منابعو په وینا، اسدالله حلیمي، د کورس مدیر، مهدی فرزاد، جمال‌الدین پیمان، طلا ایوبي، علی فیضی، نعمت‌الله اندیشمند، احمد هوشمند او اسد، د انګلیسي ژبې استادان، بومان حسینی د کمپیوټر استاد په ګډون د نیول شویو کسانو په منځ کې دي.

 په سنگتخت او بندر کې د «افق نوین» د انګلیسي ژبې یوه صنف/ عکس تحویل ته را لیږل شوی

ویل شوي چې دغه ښوونکي مخکې له دې چې دغه تعلیمي مؤسسه وتړل شي، په سلبیتو، سیاسنگ غجورباش، د بندر بالا استقلال لیسه او دهن شمشیر سنگ څانګې کې د انګلیسي ژبې تدریس کړی و.

«افق نوین» تعلیمي مؤسسه د طالبانو لخوا د بهرنیو موسسو د بندولو وروسته د دایکندي، غور او بامیان ولایتونو کې د GRS پر ځای فعالیت پیل کړی و. دغه مؤسسه د دې ولایتونو په بېلابېلو سیمو کې د انګلیسي ژبې د زده کړې مرکزونه پرمخ بیول.

د مرغومی ۲۳مه  (۱۲ د جنوري)، د دغه تعلیمي مؤسسې څانګې په خدیر او سنگتخت -بندر ولسوالیو کې د طالبانو د استخباراتو ځواکونو لخوا وتړل شوې او د دې مؤسسې مدیران او ځینې ښوونکي نیول شوي و چې وروسته په ضمانت خوشې شوي و.

همدارنګه، د همدې علت له مخې، د سلواغې ۷مه د غور ولایت د لعل او سرجنگل ولسوالۍ او ۸ سلواغې په بامیان کې د دې مؤسسې تعلیمي مرکزونه د طالبانو د استخباراتو لخوا تړل شوي دي.

طالبان په افغانستان کې د نجونو تعلیم منع کړی او له هغو مؤسسو سره چې دغه بندیز نه مراعتوي، سخت چلند کوي.