ننګرهار کې د کور د چت پرېوتو په پېښه کې یو ماشوم مړ او پنځه نور کسان ژوبل شوي
د ننګرهار ولایت د طالبانو سیمه ییز چارواکۍ وایي، چې د دغه ولایت په کوټ ولسوالۍ کې د یو کور د چت پرېوتو په پېښه کې د دوه ماشومان په شمو شپږ کسانو ته مرګ ڗوبله اوښتې. مړه او نور ژوبل شوي دي.
د طالبانو د ننګرهار د امنیې قومندانۍ ویاند سید طایب حماد ویلی دی چې دا پېښه تېره شپه (شنبه، د کب ۴) د کوټ ولسوالۍ اړوند “هیندارو” سیمه کې د کور د زړښت له امله رامنځته شوې ده.
د حماد په وینا په دې پېښه کې یو ماشوم خپل ژوند له لاسه ورکړی او پنځه نور کسان، چې یو یې ماشوم او څلور یې مېرمنې دي، ټپي شوي دي.
د خواله رسنیو کارکوونکو د دې پېښې پر مهال ژوره خواشیني څرګنده کړې او د مسوولینو او خیریه مؤسسو څخه یې وغوښتل چې د مړو او ټپیانو د کورنۍ مالي او روغتیایی مرسته وکړي.
په یاد ولایت کې دا لومړۍ پېښه نه ده؛ مخکې هم د ودانیو د کمزورتیا له امله ورته حادثې رامنځته شوې دي، چې ډېری قربانیان یې مېرمنې او ماشومان وي.
