د طالبانو د سترې محکمې اعلان کړی چې په کاپیسا ولایت کې پر یوه ښځه او یوه سړی د شلاق حکم تطبیق شوی دی.
په یوه اعلامیه کې چې د طالبانو د سترې محکمې نن پنجشنبه، دسلواغې ۱۱مه (۳۰ جنوري) خپره کړې، ویل شوي چې د کاپیسا ولایت د دویمې حصې ولسوالۍ د ابتدائیه محکمې د حکم له مخې، دې ښځې او سړي ته د نکاح نه بهر اړیکې د جرم په توګه د شلاق حکم ورکړل شوی دی.
تیره ورځ هم راپور ورکړل شوی و چې په پنجشیر او ننگرهار ولایتونو کې څلو سړي او دوه ښځي شلاق ووهل شول.
د طالبانو د هېواد په بیا نیولو سره، ورزشي میدانونه د بدني جزا او اعدام لپاره ځایونه ګرځیدلي دي.
د بشري حقونو نړیوالي بنسټونو بدني جزا او اعدامونه د نړیوالو قوانینو او انساني کرامت خلاف ګڼي، او څو ځله یې د دې جزاګانو د بندولو غوښتنه کړې ده.
