د نړیوالو مرستو کمښت؛ د ناروې کډوالو شورا په افغانستان کې خپل فعالیت محدودوي
د ناروې کډوالو شورا (این آر سي) اعلان کړی چې د نړیوالو مرستو د کمښت له امله په افغانستان کې خپل فعالیتونه محدودوي.
دغه بنسټ نن سېشنبه، د وری ۵مه (۲۵ د مارچ) په یوه اعلامیه کې ویلي دي چې د دې مرستې د کمښت له امله، میلیونونه وګړي، په ځانګړې توګه ښځې او ماشومان، د ژوند له سختو خطرونو سره به مخ شي.
د ناروې کډوالو شورا (این آر سي) د افغانستان مسوول، سوزون میګن، وویل: «دا په تېرو ۲۲ کلونو کې تر ټولو سخت چلن دی چې موږ یې په افغانستان کې تجربه کوو. مرستندوی بنسټونه اړ دي چې خپل دفترونه وتړي او کارمندان پرېږدي، په داسې حال کې چې اړتیا له هر وخت څخه زیاته ده.»
دغه سازمان له جنورۍ راهیسې د خپلو دوو مرکزونو تړل تایید کړي او خبرداري ورکړی چې که بودیجه ونه موندل شي، نور دوه مرکزونه به هم بند شي.
دغه شورا څرګنده کړې چې د امریکا تر څنګ، بلجیم، فرانسه، جرمني، سویډن او بریتانیا هم په راتلونکو کلونو کې خپلې نړیوالې مرستندویه بودیجې کمې کړې دي.
د دې سره سره، این آر سي ټینګار کوي چې فعالیتونه به په افغانستان کې دوام ولري. د یاد سازمان په اعلامیه کې راغلي دي: «موږ ژمن یو چې د بې ځایه شویو ښځو، ماشومانو او نارینه وو ملاتړ وکړو. هېڅ ټولنه په ځان پراته نه شي.»
د ملګرو ملتونو د بشري مرستو همغږي کوونکي دفتر (اوچا) ویلي چې د ۲۰۲۵ ز کال تر لاسه شوې بودیجې پورې اړه لري او په ۲۰۲۴ ز کال کې یې ۲۰.۴ میلیونه افغانانو ته لږترلږه یو ډول مرسته ورسوله.
د اوچا د احصایو له مخې، اوسمهال ۲۲.۹ میلیونه افغانان د بشري مرستو ته اړتیا لري، خو یوازې ۲.۲۴ میلیارده ډالره مرسته غوښتل شوې ده.
په داسې حال کې ده چې د روغتیا نړیوال سازمان (WHO) هم ویلي چې د بودیجې د کمښت له امله به ۸۰٪ روغتیايي مرکزونه په افغانستان کې وتړل شي. تر مارچ ۲۰۲۴ پورې، ۱۶۷ روغتیايي مرکزونه خپل فعالیت بند کړی دی، چې د میلیونونو افغانانو د روغتیا د خدمتونو نشتوالي لامل ګرځیدلي دی.