د تورخم سیمه ییزو سرچینو راپور ورکړی چې د یوې شپې تراوښتو جګړې په بهیر کې د طالبانو او پاکستاني پوځیانو ترمنځ نښتې د درې پوځیانو ټپي کېدو او د ملکي وګړو کورونو د ویجاړېدو لامل شوې دي.
د سرچینې په وینا، دا جګړه د یکشنبې، د کب پر ۱۲مه (۲ د مارچ) نیمې شپې وروسته د پاکستاني پوځ له لوري په ناڅاپي ډول پیل شوه او تر سهار پورې یې دوام درلود.
دا جګړه داسې مهال رامنځته شوې چې د تورخم سرحدي دروازه د پاکستاني لوري له خوا د تېرو لسو ورځو راهیسې تړلې ده. د تورخم د طالبانو کمیسار پرون اعلان وکړ چې د دروازې د بیا پرانیستلو په اړه یې له پاکستاني چارواکو سره خبرې کړي دي او پایلې به راتلونکې ورځې اعلان شي.
د دروازې د تړلو له امله، سوداګرو ته کلکه اقتصادي زیان رسېدلی او په سلګونو مسافرین د کرښې دواړو خواوو بند پاتې دي.
تراوسه پاکستاني امني چارواکو د دې جګړې په اړه کوم رسمي بیان نه دی کړی. په دې توګه، د تورخم اوسیدونکي د ملکي زیانونو، بې ځایه کېدو، او د جګړې د پراختیا اندیښنو سره مخ دي.
