د کندهار د لسمې امنيتي حوزې اړوند د کابل اډې پر سړک د لاسي بم چاودنې له امله یو کس وژل سوی او درې نور ټپيان سوي دي.
د کندهار د امنیې قوماندانۍ ویاند ملا اسدالله جمشيد هم ياده پېښه تاییدوي او وايي، چي دغه ماين په يوه کراچۍ کي ځای پرځای شوی وو.
هغه وايي، امنیتي ځواکونه د پېښې د رامنځته کیدو سره سم د پېښې ځای ته رسيدلي، او د يادې پېښې په اړه یې پلټني پیل کړي دي، تر څو د پېښې عاملین ونیسي او د قانون منګولو ته وسپاري.
د ښاغلی جمشید په وینا، دا پېښه پرون (دوشنبی ۳۱د غویی/ ۲۰ دمی) رامنځته سوی دي.
تر اوسه معلومات نشته چي ولي او چا ته دغه ماين ايښودل شوی وو، خو د امنيې قومنداني د وياند په وينا په پېښه کي يوازي عام کسانو مرګ ژوبله اوښتې ده.
