د طالبانو مشر، هبتالله آخندزاده، په قندهار کې د کوچني اختر د لمانځه په وینا له خلکو او د دې ډلې غړو غوښتنه وکړه چې له هغه پرته له کومه پوښتنې اطاعت وکړي، که چیرې د هغه د حکمونو اطاعت ونه شي، افغانستان به کورنیو جګړو ته ورسره راشي.
آخندزاده چې ځان د «امام» په توګه معرفي کړ او د خپل اطاعت یې «د مسلمانۍ واجب» وبلله، ټینګار وکړ: «که اطاعت ونه کړئ، لکه د ۷۰ لسیزې په شان به داخلي جګړو ته ورشئ. هغه وخت د یو واحد رهبر نه و او ملوکالطوایفي حکومت موجود و، چې له همدې امله هېواد په تشدد کې سوځیده.»
هغه زیاتوي چې اوس د متمرکز رهبریت (خپل ځان ته په اشاره) سره، ټولنې باید نظم او یووالي ته غاړه کيږدي ترڅو د تیرو فاجعو تکرار ونه شي.
د طالبانو مشر په خپله وینا کې د جمهوریت دورې قوانینو وغندل او د دموکراسي نظام یې رد کړ. هغه وویل: «موږ ته د غربې قوانینو ته اړتیا نشته. تر هغه چې شریعت حاکم وي، دموکراسي پای ته رسیدلې ده».
د طالبانو مشر، اعلان وکړ چې د افغانستان پخوانی اساسي قانون په بشپړه توګه رد کړی د ده په وینا د طالبانو عدلیه وزارت مکلف شوي دی چې د طالبانو د شریعت د تفسیر پر اساس نوې قوانین ترتیب کړي.
د طالبانو مشر حتی د طالبانو د سترې محکمې د ځینو وړاندیزونو چې په تیر قانون کې اصلاحات راوړي، نه منونکي بلل او ټینګار یې وکړ چې یوازې هغه قوانین چې د طالبانو په نظر سره د اسلامي شریعت سره سم وي، اعتبار لري.
دا خبرې په داسې حال کې کیږي چې طالبان وروسته له دې چې په ۱۴۰۰ کال کې د اسد میاشتي افغانستان ته تسلط پیدا کړ، د ښځو د مسئلې او د نړیوالې ټولنې سره د اړیکو په اړه په خپل منځ کې جدي اختلافات پیدا کړي دي.
شاوخوا دوه میاشتې مخکې، عباس ستانکزی، د بهرنیو چارو وزارت سیاسي مرستیال چې سراجالدین حقاني ډلې نږدې دی، د طالبانو مشر څخه د ښځو د کار او تعلیم د محرومولو په اړه سختې نیوکې کړې و.
ستانکزی له دې نیوکې وروسته له هېواد څخه وتلی او تر اوسه په متحده عربي اماراتو کې دی.
