د احصائیه او معلوماتو اداره: د روان کال لپاره د پنبه تولید ۳۰ فیصده زیات شوی دی
د افغانستان د احصائیه او معلوماتو ملي اداره، چې د طالبانو تر مدیریت لاندې فعالیت کوي، اعلان کړی چې د روان کال لپاره د پنبه تولید ۳۰ فیصده زیات شوی دی.
دې ادارې د دوشنبې په ورځ، د فبرورۍ په ۱۰ نېټه، په یوې خبرپاڼې کې ویلي چې سږکال ۱۵۹,۰۰۰ ټنه پنبه په هېواد کې تولید شوې ده، چې دا د تېر کال په پرتله ۳۰ فیصده زیاتوالی ښیي.
د دې بیان له مخې، دغه اداره په ۱۵ ولایتونو کې د پنبه لومړنی سروی ترسره کړی او د پنبه د کښت سیمو د معلومولو لپاره یې د ریموټ سنسنگ ټکنالوژي کارولې ده.
په خبرپاڼه کې ویل شوي چې سږکال په ۱۷ ولایتونو کې ۱۰۵,۰۰۰ هکتاره ځمکه د پنبه د کښت لپاره وکارول شوه، چې د تېر کال په پرتله ۱۲ فیصده زیاتوالی ښیي. هلمند ولایت چې ۸۰,۰۰۰ ټنه، بلخ چې له ۳۴,۰۰۰ ټنو څخه زیات، قندهار چې له ۱۱,۰۰۰ ټنو څخه زیات، جوزجان چې نږدې ۱۱,۰۰۰ ټنه او ننګرهار چې له ۵,۰۰۰ ټنو څخه زیات پنبه تولید کړي، د پنبه د تولید په برخه کې تر ټولو زیاتې ونډې درلودلې دي.
پنبه د افغانستان د مهمو صادراتي توکو څخه ګڼل کېږي. د ورکړل شویو احصائیو له مخې، یوازې تېر کال ۲۷۳ میلیونه ډالر ارزښت لرونکې پنبه او د پنبه تخمونه بهر ته صادر شوي دي.
خو، د پنبه د تولید زیاتوالی په داسې وخت کې رامنځته شوی چې طالبان په افغانستان کې د تریاکو د کښت او تولید پر وړاندې بندیز لګولی دی.