د داعش ډلې اعلان کړی چې د کندز ولایت کې د کابل بانک ته نږدې د طالبانو د ځواکونو په یوه راټولیدو کې د دغه ډلې یوه ځانمرګي برید ترسره کړی دی.
د داعش خبري اژانس “اعماق” ادعا کړې چې په دې ځانمرګو برید کې “سلګونه کسان، په شمول د طالبانو د امنیتي قوماندانانو” وژل شوي دي.
په دې پېښه کې د تلفات په اړه مختلف شمېرې خپرې شوي، جمعهالدین خاکسار، په کندز کې د طالبانو د پولیسو ویاند ویلي چې په دې برید کې پنځه کسان وژل شوي او اوه نور ټپیان شوي دي. خو ځینو ځايي منابعو راپور ورکړی چې لږ تر لږه ۱۸ کسان په دې برید کې وژل شوي او ۱۴ نور ټپیان شوي دي. ویل شوي چې د دې پېښې زیاتره قربانیان د طالبانو د پوځ او پولیسو ځواکونه وو.
دا برید په داسې حال کې ترسره کیږي چې طالبان په نړیواله کچه د ترهګرو ډلو، په ځانګړې توګه د داعش د شتون په اړه د اندېښنو په ځواب کې، دې اندېښنو ته د تبلیغاتو او پروپاګندا بللي ده او په افغانستان کې د داعش شتون بیا بیا رد کړی دی.
